Дзяржсакратар ЗША Джон Керы асудзіў забойства расейскага амбасадара ў Турэччыне. Пра гэта паведамляе агенцтва Reuters.
«Мы гатовыя прапанаваць дапамогу Расеі і Турэччыне ў расьсьледаваньні гэтага подлага нападу, які таксама зьяўляецца замахам на права ўсіх дыпляматаў бясьпечна і надзейна абараняць і прадстаўляць свае дзяржавы па ўсім сьвеце», — заявіў кіраўнік амэрыканскага зьнешнепалітычнага ведамства.
Амбасадар Расеі ў Турэччыне Андрэй Карлаў быў забіты ў выніку нападу падчас ягонага выступу на адкрыцьці фотавыставы ў Анкары.