Войскі кааліцыі захапілі на тэрыторыі Сырыі 10 000 дакумэнтаў «Ісламскай дзяржавы», сярод якіх — пляны нанясеньня тэрарыстычных удараў па аб’ектах у Эўропе і ва ўсім сьвеце.
Як паведамляе Sky News са спасылкай на камандуючага брытанскімі вайсковымі сіламі ў Сырыі генэрала Рупэрта Джонса, дакумэнты і лічбавыя дадзеныя былі захопленыя ў выніку вызваленьня гораду Манбідж.
Паводле брытанскага генэрала, захопленыя дакумэнты цяпер вывучаюцца, і зь іх вынікае, што баевікі «Ісламскай дзяржавы» плянавалі тэрарыстычныя напады ў Эўропе і ў іншых частках сьвету. Канкрэтныя аб’екты, выбраныя тэрарыстамі, Рупэрт Джонс не назваў.