Фэдэральная служба бяспекі Расеі (ФСБ) паведаміла пра затрыманьне ў анэксаваным Севастопалі былога вайскоўца штабу Чарнаморскага флёту, якога падазраюць у шпіянажы на карысьць Украіны.
Расейскае агенцтва «Інтэрфакс» са спасылкай на прэс-рэліз ведамства перадае, што гаворка ідзе пра капітана другога рангу Леаніда Пархоменку. Паводле ФСБ, ён перадаваў украінскім спэцслужбам зьвесткі аб дзейнасьці Чарнаморскага флёту.
Крымінальную справа ў дачыненьні да Пархоменкі пачалі па артыкуле аб дзяржаўнай здрадзе.
Раней ФСБ заявіла аб затрыманьні ў Крыме групы так званых «украінскіх дывэрсантаў».