У ЗША абраны віцэ-прэзыдэнт Майк Пэнс пацьвердзіў, што кандыдатура Міта Ромні на пасаду кіраўніка Дзяржаўнага дэпартамэнту ЗША «актыўна разглядаецца» разам зь іншымі кандыдатурамі.
Пэнс паведаміў пра гэта 20 лістапада ў інтэрвію амэрыканскаму тэлеканалу FOX, на наступны дзень пасьля сустрэчы Дональда Трампа з Ромні, якую абраны прэзыдэнт назваў «пасьпяховай».
У інтэрвію тэлеканалу FOX Майк Пэнс удакладніў, што Міт Ромні выказаў жаданьне ўвайсьці ў шэрагі разгляданых прэтэндэнтаў на пасаду Дзяржаўнага сакратара ЗША.
Рэспубліканец Міт Ромні, былы кандыдат на пасаду прэзыдэнта ЗША на выбарах 2012 году, неаднаразова востра крытыкаваў палітычныя погляды Трампа.