СМІ: Дональду Трампу забаранілі самому весьці Твітэр

Памочнікі кандыдата ў прэзыдэнты ЗША Дональда Трампа забаранілі яму самастойна пісаць у Твітэры ў апошнія дні перадвыбарнай гонкі, паведамляе The New York Times.

Лексыкон амэрыканскай палітыкі

ЛЕКСЫКОН АМЭРЫКАНСКАЙ ПАЛІТЫКІ

Усё, што трэба ведаць пра амэрыканскія выбары і палітычную сыстэму

Штаты-арэлі - Паліткарэктнасьць - Лібэртарыянцы - Пандыт - палітычны сувэнір - Con-man -Main street - Гішпапанамоўныя выбарнікі - Сінія сабакі - Супэрдэлегаты - «Карэнныя амерыканцы» - Нацыянальныя зьезды - Біблейскі пояс - Аёва - Тэледэбаты - Абяцаньні ў пісьмовай форме - Кокусы -Падтрымка - Сурагаты - Футбольныя мамы - Barnstorming - Джо-вадаправодчык - Кармушка - Lame Duck - Зорна-паласаты сьцяг - Аслы і сланы - Super PAC

Газэта зьвязвае гэта з рэзкімі выказваньнямі ў адрас палітычных апанэнтаў, якія часта публікаваў Трамп.

Напярэдадні выданьне The Verge, што калі раней твіты мільярдэра адпраўляліся з прылады на плятформе Android, якая, як мяркуецца, належыць яму самому, то цяпер іх публікуюць толькі з iPhone. Журналісты падкрэсьлілі, што Трамп заклікаў да байкоту прадукцыі кампаніі Apple за адмову кампаніі разблякаваць акаўнты карыстальнікаў, абвінавачаных у тэрарызьме.

Дональд Трамп сьцьвярджае, што ён асабіста, у адрозьненьне ад многіх палітыкаў, вядзе сваю старонку ў твітэры.

У канцы кастрычніка газэта The New York Times апублікавала «поўны сьпіс людзей, месцаў і рэчаў» якія Дональд Трамп абразіў у сваім Твітэры з моманту ўступленьня ў прэзыдэнцкую гонку. У ім амаль 300 пунктаў, пачынаючы з Гілары Клінтан і заканчваючы тэлевізійнай рэклямай.