Афіцыйны сайт прэзыдэнта Казахстану паведаміў пра «прастуднае захворваньне» Нурсултана Назарбаева і пра тое, што казахскі лідэр знаходзіцца на лячэньні. Паведамленьне пра хваробу і лячэньне Назарбаева на афіцыйным сайце адміністрацыі прэзыдэнта публікуецца ўпершыню.
За дзень да гэтага паведамленьня прэс-служба інфармавала, што Назарбаеў правёў тэлефонную гутарку з выканаўцам абавязкаў прэзыдэнта Ўзбэкістану Шаўкатам Мірзіяевым і ўдзельнічаў у цырымоніі прыняцьця даверчых лістоў ад амбасадараў замежных дзяржаў.
Паводле СМІ, Назарбаеў павінен быў у чацьвер, 13 верасьня, накіравацца з афіцыйным візытам у Армэнію.
Назарбаеў — адзін з палітычных доўгажыхароў. Ён знаходзіцца ва ўладзе са сьнежня 1991 году.
