Арганізатары акцыі заклікалі сёньня жанчын апранацца ў вопратку чорнага колеру, узяць выхадны дзень на працы і адмаўляцца ад выкананьня хатніх абавязкаў. У некалькіх дзесятках гарадоў краіны адбыліся дэманстрацыі.
Plac zamkowy pełny, tysiące ludzi idą Krakowskim Przedmieściem https://t.co/Up1r2Jcorl
— Patryk Strzałkowski (@PStrzalkowski) October 3, 2016
Як паведамляе Польскае агенцтва друку, у Варшаве пікеты адбываліся ў розных кропках сталіцы, а фіналам «чорнага пратэсту» стала дэманстрацыя на Замкавай плошчы ў Варшаве, у якой прынялі ўдзел каля 20 тысяч чалавек.
Тысячы людзей выйшлі пратэставаць на вуліцы Ўроцлава, Лодзі, Кракава і Гданьску.
#CzarnyProtest Katowice pic.twitter.com/utaxY2BKv5
— Przemysław Jedlecki (@PJedlecki) October 3, 2016
Супраць прыняцьця закона аб поўнай забароне абортаў пратэставалі каля сядзібы кіроўнай польскай партыі «Права і Справядлівасьць». Удзельнікі пратэсту прыйшлі з транспарантамі «Жанчына — гэта не інкубатар», «Маё цела, мая справа», «Замест забароны — адукацыя і кантрацэптывы».
"Ściana Furii" w ramach #CzarnyProtest przed siedzibą Prawa i Sprawiedliwości przy Nowogrodzkiej. Kobiet szybko przybywa @TOKFM_NEWS pic.twitter.com/4Y4uvYQ0jE
— tomasz.fenske (@tomaszfenske) October 3, 2016
Каталіцкія герархі заклікалі ў панядзелак маліцца за тых, «хто прымае ў Польшчы рашэньне аб ахове чалавечага жыцьця ад зачацьця да натуральнай сьмерці». У касьцёлах краіны адбываюцца набажэнствы з гэтай нагоды.