Афіша:
Судовая калегія па справах інтэлектуальнай уласнасьці Вярхоўнага суду Беларусі абвесьціць рашэньне па пазове фатографа Антона Матолькі да Нацыянальнай дзяржаўнай тэлерадыёкампаніі аб спагнаньні кампэнсацыі ў сувязі з парушэньнем аўтарскага права.
Адбудзецца другое пасяджэньне Кансультацыйнай рады беларусаў замежжа пад старшынёўствам міністра замежных спраў Беларусі Уладзіміра Макея. У склад Кансультатыўнай рады ўваходзяць больш за 30 прадстаўнікоў беларускай дыяспары з 20 краін сьвету.
Абвяшчэньне прысуду Канстанціну Шараверу — былому гендырэктару баскетбольнага клюбу «Цмокі-Менск». Шаравера абвінавачваецца ў тым, што браў грошы клюбу, неабгрунтавана павысіў свой заробак і арганізаваў за кошт клюбу банкет у гонар свайго юбілею. Яму пагражае 6 гадоў калёніі ўзмоцненага рэжыму, а таксама канфіскацыя маёмасьці.
У гісторыі:
1918 — у Расеі абвешчаны «чырвоны тэрор».
1972 — падчас Мюнхэнскай алімпіяды 8 тэрарыстаў палестынскае арганізацыі «Чорны верасень» узялі ў закладнікі, а потым забілі 11 ізраільскіх спартоўцаў
1981 — у Гданьску распачаўся I Нацыянальны кангрэс дэлегатаў «Салідарнасьці»
У гэты дзень нарадзіліся:
1638 — Людовік XIV, кароль Францыі, які быў на пасадзе 72 гады.
1860 — Кандрат Лейка, беларускі пісьменьнік і пэдагог.
1901 — Віталь Вольскі, беларускі празаік, драматург, палітычны дзяяч.
1901 — Арсен Канчэўскі, дзяяч рэвалюцыйнага руху ў Заходняй Беларусі.
1917 — Язэп Сажыч, беларускі грамадзка-палітычны дзеяч, старшыня Рады БНР у 1982—1997.
1946 — Фрэдзі Мэрк’юры, брытанскі рок-музыка, лідэр гурту Queen.
У гэты дзень памерлі:
1569 — Пітэр Брэйгель старэйшы, флямандзкі мастак.
1937 — Анатоль Дзяркач, беларускі паэт, сатырык, гумарыст, мэмуарыст.
1997 — Маці Тэрэза, гуманітарная дзяячка, ляўрэат Нобэлеўскай прэміі міру 1979 году
2005 — Зьміцер Кісель, беларускі публіцыст, журналіст, гісторык.
Цытата:
Мы можам пазбавіцца ад хваробы з дапамогай лекаў, але адзіны лек ад адзіноты, адчаю і безнадзейнасьці — гэта любоў. У сьвеце шмат людзей, якія паміраюць ад голаду, але яшчэ больш тых, хто памірае ад таго, што ім не хапае любові.
Маці Тэрэза