Ня менш за 45 чалавек загінулі ў выніку тэракту 8 жніўня каля галоўнага ўваходу ў шпіталь ў горадзе Квэта на паўднёвым захадзе Пакістану.
Паліцыя паведаміла, што некалькі дзясяткаў чалавек былі параненыя пры выбуху, які адбыўся неўзабаве пасьля таго, як цела вядомага адваката Білана Кашы, які загінуў у выніку абстрэлу, было дастаўлена ў шпіталь.
Ніхто ня ўзяў на сябе адказнасьць за атаку.
Прэс-сакратар ураду паўднёва-заходняй правінцыі Бэлуджыстан заявіў, што расьсьледаваньне працягваецца. Застаецца невядомым, хто стаіць за забойствам адваката, які быў застрэлены па дарозе ў суд раней 8 жніўня.