Будзе створаная адмысловая пасада экспэрта ў пытаньнях гвалту і дыскрымінацыі прадстаўнікоў сэксуальных меншасьцяў.
Рада ААН па правах чалавека стварае пасаду экспэрта ў пытаньнях гвалту і дыскрымінацыі ў дачыненьні да прадстаўнікоў ЛГБТ-супольнасьці.
Пасьля чатырохгадзінных дэбатаў радзе ў складзе 47 дзяржаў — удзельніц ААН удалося пераадолець пярэчаньні Савудаўскай Арабіі і яшчэ шэрагу мусульманскіх краінаў і прыняць адпаведную рэзалюцыю. «За» было пададзена 23 галасы, «супраць» — 18.