Паведамленьне, якое апублікавала на сваёй старонцы ў Твітары кандыдатка ў прэзыдэнты ЗША ад Дэмакратычнай партыі Гілары Клінтан у адказ рэспубліканцу Дональду Трампу, стала самым папулярным за час яе прэзыдэнцкай кампаніі.
Клінтан і Трамп абмяняліся зьедлівымі рэплікамі ў Твітэры пасьля таго як дзейны прэзыдэнт ЗША Барак Абама афіцыйна падтрымаў кандыдатуру Клінтан. Трамп напісаў на сваёй старонцы ў сацыяльнай сетцы: «Абама толькі што падтрымаў несумленную Гілары. Ён хоча яшчэ чатыры гады Абамы, але больш гэтага ня хоча ніхто!».
Obama just endorsed Crooked Hillary. He wants four more years of Obama—but nobody else does!
— Donald J. Trump (@realDonaldTrump) June 9, 2016
«Выдалі свой акаўнт», адказала Клінтан, выкарыстоўваючы вядомы ў Твітэры мэм.
Delete your account. https://t.co/Oa92sncRQY
— Hillary Clinton (@HillaryClinton) June 9, 2016
У першы ж гадзіну пасьля публікацыі было зроблена больш за 130 тысяч перапостаў гэтага твіту, прыкладна столькі ж карыстальнікаў паставілі адзнаку «падабаецца».
Да гэтага самым папулярным твітам Клінтан было паведамленьне, у якім яна анансавала свой удзел у прэзыдэнцкай гонцы. Яго перапосьцілі 9 тысяч разоў і паставілі 105 тысяч «лайкаў».