Першыя словы вядомай азэрбайджанскай журналісткі Хадзіджы Ісмайлавай пасьля выхаду на волю. Улады Азэрбайджану замянілі прысуд у 7,5 гадоў турмы на ўмоўны - 3 гады і 6 месяцаў.
Журналістку азэрбайджанскай службы Радыё Свабода Хадзіджу Ісмаілаву, арыштаваную ў пачатку сьнежня 2014 году, у верасьні 2015 году прысудзілі да сямі з паловай гадоў турмы па абвінавачаньнях у эканамічных злачынствах — крадзяжах, перавышэньні службовых паўнамоцтваў, нелегальным прадпрымальніцтве і ўхіленьні ад выплаты падаткаў. Падчас працэсу Ісмаілава адхіліла ўсе абвінавачаньні, назваўшы іх палітычна матываванымі.