Афіша
Менск. Беларускі нацыянальны кангрэс пройдзе ў сквэры Янкі Купалы. Аргкамітэт заклікаў грамадзянаў прыйсьці ў нядзелю а 12.00 да помніку Янку Купалу і падтрымаць дэлегатаў кангрэсу ў іх барацьбе за права на мірныя сходы.
Аргкамітэт таксама запрасіў на кангрэс кіраўнікоў дыпляматычных прадстаўніцтваў замежных краінаў. Радыё Свабода будзе весьці жывую відэатрансьляцыю з кангрэсу.
Менск. 2 зьезд Руху салідарнасьці «Разам» пройдзе а 14 гадзіне ва ўправе партыі БНФ (Чарнышэўскага, 3). Сябры і прыхільнікі руху будуць прымаць удзел у якасьці дэлегатаў ў працы Беларускага Нацыянальнага Кангрэсу, і па яго завяршэньні возьмуць удзел у працы сходу.
Менск. Рабочы візыт міністра замежных справаў Расеі Сяргея Лаўрова. Заплянаваныя перамовы Сяргея Лаўрова зь міністрам замежных справаў Беларусі Уладзімерам Макеем.
Гэты дзень у гісторыі
Міжнародны дзень сям’і. Адзначаецца штогод з 1994 году паводле рашэньня Генэральнай Асамблеі ААН ад 20 верасьня 1993 году.
Міжнародны дзень адмоўнікаў ад ваеннай службы паводле перакананьняў сумленьня. Заснаваны на першай міжнароднай сустрэчы адмоўнікаў ў Капэнгагене ў 1981 годзе.
1905 — дэбютаваў у друку Янка Купала. У газэце «Северо-западный край» быў апублікаваны верш «Мужык».
1948 — Пяць арабскіх дзяржаваў (Сырыя, Эгіпет, Лібан, Ірак і Ярданія) напалі на Ізраіль на наступны дзень пасьля абвяшчэньня яго незалежнасьці.
1950 — У Тураве адкрыўся краязнаўчы музэй
1955 — СССР, ЗША, Англія, Францыя і Аўстрыя падпісалі дзяржаўную дамову аб аднаўленьні незалежнай і дэмакратычнай Аўстрыі.
1971 — У Лёндане адкрылася Беларуская бібліятэка і музэй імя Францішка Скарыны.
1979 — У Менску адкрыўся Музэй старажытнабеларускай культуры (заснаваны 7 ліпеня 1977 г.).
1990 — Пачаў працу Вярхоўны Савет БССР 12-га скліканьня, якому было наканавана абвясьціць незалежнасьць Беларусі.
1993 — У Гомелі створаны Музэй-лябараторыя Францішка Скарыны.
У гэты дзень нарадзіліся:
1845 — Ян Чэрскі, беларускі геоляг і дасьледчык Сыбіру
1859 — П’ер Кюры, францускі фізык
1882 — Уладзіслаў Галубок, беларускі тэатральны дзеяч, рэжысэр, драматург
1909 — Язэп Найдзюк, дзеяч заходнебеларускага нацыянальнага руху, выдавец, гісторык.
1922 — нарадзіўся беларускі пісьменьнік і кінарэжысёр Пётр Васілеўскі. Сярод работ — фільм «Палеская легенда».
1926 — Ніна Тарас, беларуская пісьменьніца
1936 — Барыс Сачанка, беларускі пісьменьнік, перакладчык і выдавец
У гэты дзень памерлі:
1762 — Міхал Казімер Радзівіл «Рыбанька», вялікалітоўскі дзяржаўны дзеяч, мэцэнат
1935 — Казімер Малевіч, мастак-авангардыст, адзін з заснавальнікаў супрэматызму — кірунку ў абстрактным мастацтве.
2013 — Нінэль Шчасная, беларуская мастачка.
Цытата на памяць
Бег каня можна перадаць аднатонным алоўкам. Але перадаць рух чырвоных, зялёных, сініх масаў алоўкам нельга.
Казімір Малевіч