Паводле некаторых паведамленьнняў, байцы армейскага спэцназу пры падтрымцы бронемашын ачапілі шэраг адміністрацыйных і дыпляматычных устаноў, а паліцыя ўжывала супраць пратэстоўцаў сьлезацечны газ. Перакрытыя і ўсе выезды з ірацкай сталіцы. Місіі ААН і заходнія амбасады зачыненыя.
Іракскія дзяржаўныя СМІ не пацьвердзілі паведамленьне аб тым, што прэм’ер-міністар Хайдар Аль-Абадзі пакінуў свой офіс і схаваўся ў невядомым кірунку.
Акцыі пратэсту радыкальных шыітаў пачаліся некалькі тыдняў таму — пасьля таго, як іх лідэр Муктада ас-Садр рэзка асудзіў адмову заканадаўцаў прагаласаваць за рэформу сыстэмы прадстаўнічых квот ва ўрадзе.
Раней у суботу пры двух выбухах у Багдадзе і ваколіцах загінулі больш за 20 чалавек, яшчэ звыш 50 былі параненыя. Паводле дадзеных іракскай паліцыі, самы буйны тэракт зрабіў сьмяротнік, які падарваў замінаваны грузавік каля групы шыіцкіх паломнікаў ў паўднёва-ўсходнім прымесьці Багдаду. Загінулі прынамсі 19 чалавек, 48 атрымалі раненьні. Адказнасьць за тэракт узяла на сябе экстрэмісцкая групоўка «Ісламская дзяржава».