Аднымі зь першых Новы год сустракаюць жыхары Новай Зэляндыі. Там прыход 2016-га адзначылі маляўнічым салютам. Жыхары Оклэнда, найбуйнейшага горада Новай Зэляндыі, хорам адлічвалі сэкунды, што засталіся да пачатку Новага года. Роўна апоўначы па мясцовым часе на галоўнай вежы горада, 328-мэтровай «Скай-Таўэр», запалілі вагні і запусьцілі фаервэркі. Так тут адзначылі пачатак новага году. Салют доўжыўся пяць хвілін. Дзякуючы вышыні запуску ракет, убачыць шоў мог практычна кожны жыхар Оклэнда. (Відэа Reuters)
