Школы былі тэрмінова зачыненыя, а вучні адпраўленыя дахаты пасьля таго, як паліцыя атрымала паведамленьне, ацэненае як рэальная пагроза бомбы.
Пра гэта піша газэта Нью Ёрк Таймс.
Райман Корцінс, кіраўнік упраўленьня школ Лос-Анджэлесу, сказаў, што навучальныя ўстановы будуць зачыненыя да таго часу, пакуль паліцыя не праверыць будынкі, каб пераканацца, што яны бясьпечныя. Рашэньне тычыцца больш як 1000 школ. Аўтобусы, якія везьлі дзяцей у школы, былі разьвернутыя і вярнулі дзяцей дадому.
Пагроза прыйшла ў электроннай форме. У Лос Анджэлесе, адным з найбуйнейшых гарадоў ЗША, больш як 900 школ.
