У Бэльгіі паводле падазрэньня ў датычнасьці да ўчыненьня тэрактаў у Парыжы затрыманыя шэсьць чалавек.
Затрыманьні адбыліся на аўтазапраўцы недалёка ад гораду Б’ерж, за трыццаць кілямэтраў ад Брусэлю. У Брусэлі заўважна зьменшылася колькасьць людзей на вуліцах, перш за ўсё — турыстаў.
Зачыненыя блышыны рынак і цэнтральная гандлёвая вуліца Rue Neuve. Улады адмянілі канцэрты, спартовыя і іншыя масавыя мерапрыемствы. Праца грамадзкага транспарту абмежаваная рухам аўтобусаў і трамваяў, але, нягледзячы на гэта, аўтамабіляў на гарадзкіх вуліцах таксама нязвыкла мала.