Скарбашукальнікі знайшлі залатыя манэты коштам 4,5 мільёна даляраў

Ля ўзьбярэжжа амэрыканскага штату Флорыда скарбашукальнікі знайшлі 350 залатых манэт з гішпанскага судна, патанулага 300 гадоў таму з-за ўрагану. Знаходку ацэньваюць у 4,5 мільёна даляраў. Дзесяць галеонаў у 1715 годзе ішлі ад Гаваны ў Гішпанію, калі затанулі ля ўсходняга ўзьбярэжжа паўвострава Флорыда. Гэта ўжо другая значная знаходка скарбашукальнікаў за апошнія месяцы. У чэрвені яны знайшлі каля 50 манэт вартасьцю ў адзін мільён даляраў. (Відэа Reuters)