На відэа з сустрэчы ў Маскве 11 жніўня міністраў замежных спраў Расеі і Саудаўскай Арабіі Сяргея Лаўрова і Адэля аль-Джубэйра відаць і чуваць, як расейскі дыплямат пацірае лоб і шэпча: «Дэбілы...». У дадатак гучыць нецэнзурная лаянка.
Невядомы, які выклаў відэа на партал youtube, палічыў, што словы расейскага міністра перадаюць яго стаўленьне да выказваньняў партнэра. На сустрэчы абмяркоўвалася сытуацыя ў Сірыі, наконт якой паміж Расеяй і Саудаўскай Арабіяй існуюць сур’ёзныя рознагалосьсі.