Каля 3 тысяч чалавек узялі ўдзел ў антырасейскай дэманстрацыі, якая прайшла 18 ліпеня ў сталіцы Грузіі Тбілісі. Акцыя была дазволеная ўладамі. Падчас дэманстрацыі гучалі абвінавачаньні Расеі ў акупацыі тэрыторыі Абхазіі і Паўднёвай Асэтыі, а таксама заклікі да грузінскіх уладаў «не супрацоўнічаць з ворагам».
"@Gordonuacom: В #Тбилиси протестовали против российской оккупации. Фоторепортаж http://t.co/gi02Gsgb5W pic.twitter.com/IKcR6QlyCQ"
— СЕРГЕЙ . (@777hjr) July 19, 2015
«Мы сабраліся тут, каб паказаць, што агрэсіўная палітыка Расеі ў 21 стагодзьдзі — гэта анахранізм», — заявіла агенцтву Франс Прэс адна з арганізатараў акцыі Тамара Чарголеішвілі.
Напярэдадні МЗС Грузіі праз швайцарскую амбасаду накіраваў Расеі ноту пратэсту ў сувязі з аднабаковай дэмаркацыяй мяжы Паўднёвай Асэтыі, у выніку чаго нафтаправод Баку-Супса апынуўся ў акупаванай зоне. Афіцыйная Масква гэта абвяргае.
В Тбилиси прошла акция против "советизации части Грузии" Абхазии и Южной Осетии Россией pic.twitter.com/B5QAolTu29
— U.S.Department State (@GOSDEP1USA) July 19, 2015
Расейская Фэдэрацыя прызнала незалежнасьць Абхазіі і Паўднёвай Асэтыі пасьля ўзброенага канфлікту ў 2008 годзе. Незалежнасьць гэтых рэспублік прызналі толькі Нікарагуа і невялікая дзяржава ў Ціхім акіяне Вануату. Тбілісі заяўляе, што канфлікт быў справакаваны Масквой, а грузінскія тэрыторыі ў Абхазіі і Паўднёвай Асэтыі лічыць акупаванымі.
Беларусь дагэтуль не прызнала незалежнасьць Абхазіі і Паўднёвай Асэтыі.