У Бішкеку ў выніку перастрэлкі з падразьдзяленьнем спэцназу забітыя чацьвёра ўзброеных людзей, якіх улады Кіргізстану падазраюць у дачыненьні да мясцовай суполкі «Ісламскай дзяржавы».
Інфармацыйны партал 24.kg са спасылкай на кіргіскія спэцслужбы паведамляе, што перастрэлкі адбываліся ў двух месцах — у прадмесьці Бішкеку ля вадасховішча ГЭС-5, а таксама ў жылым доме ў цэнтры гораду.
З боку праваахоўных органаў забітых няма, некалькі байцоў спэцназу былі параненыя.
Кіргізстан ўваходзіць разам зь Беларусьсю ў арганізацыю Дамовы аб калектыўнай бясьпецы.