Безвыніковыя і перапыненыя напярэдадні перамовы міністраў фінансаў эўрагрупы аднавіліся ў Брусэлі. Кіраўнік Рады Эўропы Дональд Туск заявіў, «што лідэры эўрагрупы працягнуць сёньня свае перамовы да дасягненьня вынікаў».
У эўрапейскіх палітычных колах асьцерагаюцца, што без дасягненьня пагадненьня з Атэнамі, Грэцыя можа «вылецець» зь ліку дзевятнаццаці ўдзельнікаў эўрагрупы, дзяржаў, якія выкарыстоўваюць эўра ў якасьці адзінай валюты.
Бі-бі-сі паведамляе, што сустрэчы найвышэйшых кіраўнікоў краін Эўразьвязу дагэтуль надзвычай рэдка адмяняліся за такі кароткі час да абвешчанага раней тэрміну пасяджэньня.
Працяглыя перамовы міністраў фінансаў у суботу завяршыліся безвынікова. Кіраўнік эўрагрупы Ерун Дэйсэлблум назваў іх «вельмі цяжкімі». Тым ня менш, перамовы працягваюцца, сказаў журналістам Дэйсэлблум.