Колькасьць ахвяраў Блізкаўсходняга рэсьпіраторнага сындрому (MERS) у Паўднёвай Карэі ў нядзелю ўзрасла да 15 чалавек.
Пра гэта паведамляе Франс-прэс, спасылаючыся ня мясцовыя ўлады краіны.
Апошнім загінулым ад MERS стаў 62-гадовы мужчына, які памёр у паўднёвым горадзе Пусан.
Яму дыягнаставалі захворваньне 7 чэрвеня, пасьля заражэньня ў мэдычным цэнтры «Самсунг» у Сэўле. Усяго ў гэтым шпіталі на MERS захварэлі каля 70 чалавек.
У нядзелю міністэрства аховы здароўя Паўднёвай Карэі таксама паведаміла аб сямі новых выпадках захворваньня, а агульная іх колькасьць дасягнула 145 чалавек.