Паводле крыніцы Радыё Свабода, пасьля затрыманьня Яўгенія Ерафеева і Аляксандра Аляксандрава, усе тальяцінскія спэцназаўцы, якія на той час знаходзіліся ва Ўкраіне, былі на працягу сутак вернутыя ў частку і пераведзеныя на казарменнае становішча.
Міністэрства абароны Расеі і расейскія ўлады па-ранейшаму сьцьвярджаюць, што расейцы знаходзіліся ва Ўкраіне ў статусе добраахвотнікаў, а расейскія СМІ распаўсюдзілі відэазапісы, на якіх жонка Аляксандрава Кацярына і бацька Ерафеева Ўладзімір сьцьвярджаюць, што тыя звольніліся са службы пасьля Новага году.
Радыё Свабода зьвязалася з жыхаром ЗША Мікалаем Жыгаліным, знаёмым аднаго зь дзейных вайскоўцаў у частцы 21208 у Тальяці. Паводле яго інфармацыі, цяпер камандаваньне вырашае пытаньне аб магчымым расфармаваньні часткі, настрой салдат «прыгнечаны», вернутым з Украіны салдатам і афіцэрам «прамываюць мазгі, што трэба падрываць сябе гранатамі, а не здавацца» (пра тое, што ён хацеў падарваць сябе пасьля раненьні, раней казаў і затрыманы Яўгеній Ерафееў).
Жыгалін: Інфармацыю аб стане справаў у частцы я атрымаў ад чалавека, які служыць у той частцы, прычым менавіта ў той роце, у якой служылі Ерафееў і Аляксандраў. Назваць яго не магу, як і расказаць, якім чынам мы знаёмыя — інакш яго вельмі хутка вылічаць.
РС: Ён чалавек вайсковы ці цывільны?
Жыгалін: Не магу сказаць.
РС: Якая цяпер сытуацыя ў частцы паводле яго словаў?
Жыгалін: Кажучы даступнай мовай, у Тальяці ў частцы ідуць разборкі адносна таго, што адбылося. Высьвятляецца ступень адказнасьці кожнага. Цяпер частка зачыненая, таму сувязі з маёй крыніцай у мяне няма. Вайскоўцы на казарменным становішчы, іх не выпускаюць у горад.
РС: Ці пацьвярджаецца інфармацыя пра тое, што Аляксандраў і Ерафееў, як яны самі кажуць, да апошняга моманту зьяўляліся дзеі вайскоўцамі расейскай арміі, гэтай часткі?
Жыгалін: Наколькі я ведаю, яны ўсе былі там, і ўсе вярнуліся на працягу сутак праз аэрадром Мілерава ў Растоўскай вобласьці, альбо ў Курумоч (асноўны грамадзянскі аэрапорт Самары — РС), альбо, што больш верагодна, праз аэрадром пад вёскай Чарнарэчча ў Самарскай вобласьці.
РС: «Усё» — гэта іншыя спэцназаўцы з групы Ерафеева і Аляксандрава?
Жыгалін: Наколькі я ведаю — так, усё тальяцінскай спэцыялісты, якія былі там, вярнуліся адным рэйсам.
РС: Што ваша крыніца кажа пра асобу Яўгенія Ерафеева, які, як сьцьвярджае Служба бясьпекі Украіны, быў камандзірам гэтай групы?
Жыгалін: Сказана было вельмі коратка, што Ерафееў — гэта штабны афіцэр, гэта значыць, ён ня просты чалавек, ня проста камандзір групы з 5-7 чалавек, а чалавек, які ведае шмат, выдатна разумее, да чаго можа прывесьці асабіста для яго тое, што яго ўзялі ў палон. Ён выдатна разумее, што яму трэба супрацоўнічаць са сьледзтвам пад гарантыі асабістай бясьпекі. (...)
Цалкам матэрыял чытаць тут.