«Шэраг „чыноўнікаў“ ад „ДНР“ бачаць у гэтым адзіны выхад з цяперашняй сытуацыі», — паведаміў у Facebook каардынатар руху «Інфармацыйны супраціў» Ўкраіны Дзьмітры Тымчук.
Тымчук таксама паведамляе, што ў так званай «ДНР» працягваецца «мабілізацыйная кампанія»: «Баявікі рассылаюць „позвы“ па прадпрыемствах і шахтах. Ёсьць распараджэньне кіраўніцтва „ДНР“ мабілізаваць з кожнай буйной шахты і прадпрыемствы мінімум 250 чалавек».
Кіраўнік «Інфармацыйнага супраціву» паведамляе, што цягам апошніх сутак «расейска-тэрарыстычныя войскі на Данбасе працягвалі груба парушаць ўмовы мірных дамоўленасьцей, выкарыстоўваючы для абстрэлаў пазыцый украінскіх войскаў практычна ўвесь спектар наяўных ўзбраеньняў — ад стралковай да ствольнай і рэактыўнай артылерыі».
Паводле яго слоў, з боку баевікоў фіксуецца толькі некаторае памяншэньне колькасьці артылерыі, якая адводзіцца ў тыл згодна з менскімі дамоўленасьцямі. Цяжкая бранятэхніка застаецца на месцы і ад лініі разімежаваньня не адводзіцца.