У Вашынгтоне дзяжурны афіцэр Сакрэтнай службы ЗША ў панядзелак у 3 раніцы заўважыў, як на тэрыторыю Белага дому ўляцеў невялікі беспілётны лятальны апарат.
Як заявіў Браян Ліры — прэс-сакратар Сакрэтнай службы, якая займаецца аховай дзяржаўных устаноў — чатырохвугольны «беспілётнік» меў у даўжыню прыблізна 60 сантымэтраў і ляцеў на невялікай вышыні, затым ён упаў на зямлю і разьбіўся. Гэта адбылося ў паўднёва-усходняй частцы комплексу амэрыканскай адміністрацыі.
Паводле інфармацыі Ліры, Белы дом быў адразу ж заблякаваны.
Адкуль узяўся «беспілётнік», невядома. Вядзецца расьсьледаваньне.
Прэзіыдэнт ЗША Барак Абама з жонкай Мішэль у момант інцыдэнту знаходзіліся зь візытам у Дэлі.