Клэр Біг
Гэтую фатаграфію Франсуа Алянд наўрад ці будзе ўспамінаць з добрымі пачуцьцямі. Фота, на якім ён зафіксаваны ў традыцыйнай казахскай вопратцы - расшытым кажусе з футравым каўняром і зімовай, аблямаванай футрам шапцы, - стала прадметам бурлівай весялосьці ў сацыяльных сетках.
Вопратка - падарунак Алянду ад казахстанскага калегі Нурсултана Назарбаева, які зьняўся разам з французскім госьцем - але ў звычайным афіцыйным касьцюме. Хоць прадстаўнікі адміністрацыі прэзыдэнта Францыі настойвалі на тым, каб фатаграфія не друкавалася, яна ўсё ж зьявілася на афіцыйнай старонцы Назарбаева ў Інстаграме, але пазьней была выдаленая на просьбу Алянда.
Апанэнты прэзыдэнта Францыі забаўляліся цэлы дзень, выстаўляючы ў сацыяльных сетках фотамантажы Алянда у самых розных уборах - Санта-Клаўса, Абэлікса і нават Міс Францыі-2015.
#MissFrance2015 #Hollande #circus #entertainment lumpenproletariat pic.twitter.com/a0HwsxKi4x
— Ewtalburg Nikolas (@NikolausVI) December 7, 2014
Dur dur la Présidence.. François #Hollande n'échappe pas à la #chapka ! http://t.co/iDfqzhEN9h pic.twitter.com/F7CJ19n1so pic.twitter.com/4TlqkTb20P
— Ulysse Paris (@ulyssepariser) December 7, 2014
Фінансаваны Крамлём англамоўны тэлеканал RT таксама не ўтрымаўся ад жартаў на адрас францускага лідэра - якраз калі той ляцеў у Маскву для кароткіх перамоваў з прэзыдэнтам Расеі Ўладзімірам Пуціным.
Hollande wearing traditional Kazakh #chapka and coat gone viral http://t.co/mzqfzpx0e0 pic.twitter.com/CUBIMITeY0
— RT (@RT_com) December 7, 2014
Казахстанская фатаграфія стала прадметам спэкуляцый наконт таго, якім будзе наступны касьцюм Алянда - можа быць, казацкі, улічваючы, што з Казахстану ён накіраваўся ў Расею?
Hollande to meet Putin today in Moscow - expect a photo of him as a Cossack pic.twitter.com/df5bbA4rBE
— Ola Cichowlas (@olacicho) December 6, 2014
... гэтаксама як і пытаньняў пра тое, што паабяцаў Назарбаеў калегу ў абмен на гэтую фотасэсію - можа быць, купіць у Францыі верталётаносьбіт "Містраль", каб Казахстан мог дамінаваць у Касьпійскім моры?
What'd force Hollande 2 wear this othr thn Nzrbaev's consent buy Mistrals?Kazakh naval domination of Caspian's near! pic.twitter.com/bzlnW3UbCa
— simon saradzhyan (@saradzhyan) December 5, 2014
Хапала і параўнаньняў Франсуа Алянда з Боратам — пэрсанажам аднайменнай камэдыі, нібыта журналістам з Казахстану, якога граў брытанскі комік Саша Барон Коэн. Брытанскі таблоід Mail нават выйшаў з загалоўкам «Гэта прэзыдэнт Франсуа Борат!».
Borat, president of France. pic.twitter.com/U1INYnYDZL
— Benedict Evans (@BenedictEvans) December 6, 2014
Don't worry it's not a mankini http://t.co/S0f5xrsrpe François Hollande mocked for looking 'like Borat’
— Rob Crilly (@robcrilly) December 6, 2014
Гэта ня першы выпадак, калі фатаграфіі прынесьлі Франсуа Алянду непрыемнасьці. У студзені папарацы сфатаграфавалі, як ён выяжджае на матацыкле з дому непадалёк ад Элізэйскага палацу пасьля спатканьня з каханкай, 42-гадовай актрысай Жулі Гайе.
Публікацыя фота прывяла да разрыву Алянда з тагачаснай першай дамай Францыі, журналісткай Валеры Трырвайлер, якая пазьней напісала кнігу пра сваю сувязь з Аляндам, дзе прэзыдэнт абмаляваны як схільны да хлусьні маніпулятар.
Яшчэ адзін няўдалы здымак Алянда, які агенцтва AFP і Reuters неўзабаве прыбралі з сваіх публікацый, што выклікала хвалю абурэньня ў Францыі, зафіксаваў грымасу прэзыдэнта падчас наведваньня летась адной з школ:
Autant se faire plaisir puisque c'est censuré ! #Hollande #AFP #Rentréedesclasses #Denain #VivelaFrance #Oups pic.twitter.com/re1mSDavgY
— Cmoi (@Mimi_Mdn) September 4, 2013
Рэйтынг Франсуа Алянда цяпер складае 12 працэнтаў - гэта самы нізкі ўзровень папулярнасьці кіраўніка Францускай рэспублікі за ўвесь час правядзеньня апытаньняў.