Пры спробе разгарнуць дзесяцімэтровы сьцяг Украіны на Вялікім Каменным мосьце ля Крамля ў Маскве затрыманыя пяць чалавек.
Расейскі сайт Газета.Ru называе прозьвішчы затрыманых: Кацярына Рыжова, Вольга Фалеева, Мікалай Глухін, Валерый Надзеждзін і Павел Кузняцоў.
Яны былі затрыманыя на Вялікім Каменным мосьце, як толькі паспрабавалі вывесіць з яго сьцяг Украіны. Усе пяцёра дастаўлены ў АУС «Замаскварэчча».