Барыс Пятровіч у Вольнай студыі

“Галоўны ўрач дому-інтэрнату стварыў сваю вэртыкаль улады і трымаў пад кантролем усё. Было ў яго чынавенства – пэрсанал: намесьнікі, урачы, мэдсёстры. Быў “народ” – хворыя ды старыя. Быў і свой спэцназ – санітары, гатовыя ў любы момант прыдушыць любое незадавальненьне. Была і апазыцыя, якая тое незадавальненьне зрэдку выказвала. Была і свая турма – карцар для асабліва буйных і незадаволеных…”.  Гэта цытата з новай аповесьці “Спачатку была цемра” Барыса Пятровіча, які будзе госьцем Міхася Скоблы ў “Вольнай студыі”.