Алеся Літвіноўская: загаворыце ў мяне як Эрыксан!

Пачаўся другі сэзон курсаў «Мова ці кава». Форма навучаньня роднай мове пры каве, якую прыдумала для маскоўскіх беларусаў журналістка Кацярына Кібальчыч, пасьпяхова прыжылася і ў Менску. Вядучыя менскіх курсаў Глеб Лабадзенка і Алеся Літвіноўская. Чаму пры скарачэньні запісаў дзяцей у беларускія клясы дарослыя так горнуцца да мовы? Ці можа гэта сацыяльная суполка стаць урэшце народным унівэрсытэтам? Як “Мова ці кава” будзе чэрпаць з “Жывой мовы” Юрася Бушлякова? Пра гэта ў вечаровым эфіры мы запытаем філёляга Алесю Літвіноўскую, якая мае вопыт выкладаньня мовы ня толькі землякам, але швэдзкаму і амэрыканскаму паслам. У эфіры таксама панарама дня: аналіз новых цэнаў у кантэксьце ЭЗ і Мытнага зьвязу, вяртаньне беларускі з сырыйскага палону, адвакаты пра пэрспэктывы вызваленьня Баўмгертнэра, магілёўскі ультыматум гадавальнікам сьвіней. Бліц-аналіз: страхоўка ад байкоту хакейнага чэмпіянату ў Менску. Абмяркоўвайце гэтыя тэмы разам з намі. Задавайце свае пытаньні госьці эфіру Алесі Літвіноўскай. Тэлефон у студыі 8 029 651 42 04.