Што будуць есьці беларусы, як зьнішчаць сьвіней?

У зьвязку з эпідэміяй афрыканскай чумы па ўсёй краіне ліквідуюць сьвіней з прыватных сялянскіх падворкаў. Ці адэкватна ўлады рэагуюць на бяду? Ці ня гвалт гэта ня толькі над жывёламі, але і над псыхікай людзей, для якіх спрадвеку гадоўля сьвіней была адным з асноўных заняткаў, а сьвініна — традыцыйнай ежай? Ці не зьнішчаецца тым самым адзін з важных элемэнтаў культуры беларусаў? Чым заменяць яны сьвініну на сваіх сталах? Якія наступствы масавае зьнішчэньне сьвіней будзе мець для Беларусі і з гледзішча традыцыйнай беларускай культуры, і з гледзішча эканомікі? А мо ў выніку гэтага беларусы ўвогуле стануць іншымі? Гэтыя пытаньні абмяркоўваюць культуроляг, адзін з аўтараў кнігі «Наша страва» Сяргей Харэўскі і эканаміст Міхал Залескі. Перадачу вядзе Вячаслаў Ракіцкі.