Прынамсі 1129 чалавек былі забітыя і 3442 параненыя зь сярэдзіны красавіка падчас канфлікту на ўсходзе Ўкраіны.
Такі вынік ужываньня «цяжкай зброі» з боку прарасейскіх сэпаратыстаў і лаяльных Кіеву сілаў на Данбасе. Гэтыя лічбы прыведзеныя ў дакладзе ААН, які быў апублікаваны ў панядзелак.
Насельніцтва ўсходняй Украіны застрашанае прарасейскімі сэпаратыстамі – адзначаецца ў дакладзе.
Вярхоўны камісар ААН у правах чалавека Наві Пілэй абвясьціла ў сваёй заяве: надзвычайную трывогу выклікае тое, што баі ў Данецку і Луганску робяцца ўсё больш жорсткімі, а зьбіцьцё самалёта Малайзійскай авіякампаніі 17 ліпеня можа быць кваліфікаванае як ваеннае злачынства.