1 чэрвеня ў Магілёве Студэнцкае этнаграфічнае таварыства правяло фэст беларускай традыцыйнай культуры «Зялёныя сьвяткі».
Рупліўцы беларушчыны прысьвяцілі яго Тройцы. Пабачыць, як традыцыйна адзначаюць гэтае сьвята беларусы, у этнаграфічны комплекс «Зялёны гай» наведалася нямала магілёўцаў. Ім паказвалі, як трэба апранацца, сьпяваць, скакаць ды кухарыць на Тройцу. Фэст сабраў музыкаў з розных мясьцін Беларусі.