Прэзыдэнт Расеі Ўладзімер Пуцін прызначыў колішняга камандуючага ВМС Украіны контр-адмірала Дзяніса Бярозаўскага намесьнікам камандуючага Чарнаморскім флётам Расеі.
Да гэтага прызначэньня ён ачольваў Чарнаморскую вайскова-марскую вучэльню імя Нахімава, паведамляе ІТАР — ТАСС.
Бярозаўскі быў прызначаны камандуючым ВМС Украіны, але ў пачатку сакавіка ён здрадзіў украінскай прысязе і перайшоў на бок Расеі.
Ён таксама патрабаваў ад кіруючага складу флёту перайсьці на бок Расеі.
Пракуратура Ўкраіны завяла і расьследуе крымінальныя справы адносна здрады Ўкраіне былога камандуючага ВМС Украіны.