Блёк-пост тэрарыстаў на ўезьдзе ў Славянск з боку Краматорску зьнішчаны.

Блёк-пост перад Славянскам з боку Харкава зараз ліквідуюць, — паведамляюць журналісты сайту «Новости Донбасса».

Камітэт патрыятычных сілаў Данбасу патрабуе ад ураду рашучых дзеяньняў у дачыненьні да сэпаратыстаў. Заяву апублікавала агенцтва УНІАН.

«Дзеяньні сэпаратыстаў, а таксама тых, хто падтрымаў іх з боку карумпаваных прадстаўнікоў улады і праваахоўных органаў, зьяўляюцца пагрозай для міру ў рэгіёне і могуць быць кваліфікаваныя як тэрарызм», — сказана ў заяве.