У Беларусі будзе створаная электронная «Чорная кніга сталінізму. Беларусь: злачынствы, тэрор, рэпрэсіі».
«Паколькі кніга ствараецца ў электронным выглядзе, ніякіх абмежаваньняў што да аб’ёму матэрыялаў не прадугледжваецца. Кожны можа падаць матэрыялы, фота, копіі дакумэнтаў пра сваіх сваякоў, якія пацярпелі ад рэпрэсіяў — без усякай цэнзуры і абмежаваньняў», — заявіў Ігар Кузьняцоў, кіраўнік беларускага аддзяленьня міжнароднага гісторыка-асьветніцкага, дабрачыннага і праваабарончага таварыства «Мэмарыял».
Кніга будзе складацца зь дзьвюх частак. Першая будзе ахопліваць пэрыяд з 1929 па 1953 год. Далей будуць разгледжаны падзеі з 1917-га па 1928 гады, пасьляваенныя і «тое, што характэрна для сучаснай Беларусі, — гісторыя рэпрэсій у нас, на жаль, ня скончылася».
Як сказаў кіраўнік беларускага «Мемарыялу», у кнізе будзе тры прадмовы — францускага гісторыка Нікаля Вэрта і беларуса Аляксандра Грыцанава, вядомага сваімі дасьледаваньнямі прыроды таталітарызму і аўтарытарызму. Аўтар трэцяй прадмовы пакуль ня вызначаны. Сярод аўтараў кнігі Кузьняцоў назваў Тацяну Процьку, Аляксандра Ўрублеўскага, Радзіма Гарэцкага, Ірыну Раманаву, Ніну Стужынскую, Леаніда Маракова, Леаніла Лыча ды іншых, перадае БелаПАН.
Кніга будзе складацца зь дзьвюх частак. Першая будзе ахопліваць пэрыяд з 1929 па 1953 год. Далей будуць разгледжаны падзеі з 1917-га па 1928 гады, пасьляваенныя і «тое, што характэрна для сучаснай Беларусі, — гісторыя рэпрэсій у нас, на жаль, ня скончылася».
Як сказаў кіраўнік беларускага «Мемарыялу», у кнізе будзе тры прадмовы — францускага гісторыка Нікаля Вэрта і беларуса Аляксандра Грыцанава, вядомага сваімі дасьледаваньнямі прыроды таталітарызму і аўтарытарызму. Аўтар трэцяй прадмовы пакуль ня вызначаны. Сярод аўтараў кнігі Кузьняцоў назваў Тацяну Процьку, Аляксандра Ўрублеўскага, Радзіма Гарэцкага, Ірыну Раманаву, Ніну Стужынскую, Леаніда Маракова, Леаніла Лыча ды іншых, перадае БелаПАН.