Мінулая ноч на Эўрамайдане ў Кіеве прайшла спакойна. Пачаўся 23-ці дзень пратэсту ўкраінцаў супраць прыпыненьня ўрадам Януковіча эўраінтэграцыі Ўкраіны.
На Майдане Незалежнасьці ў Кіеве працягваецца акцыя пратэсту, мінулая ноч прайшла без здарэньняў.
Па стане на 04.45 на Майдане Незалежнасьці заставалася каля 10 тысяч чалавек, паведамляе «Інтэрфакс-Украіна».
Your browser doesn’t support HTML5
Гімн Украіны ў 4.00 раніцы
Частка людзей займаецца добраўпарадкаваньнем намётавага мястэчка, аховай барыкад, частка адпачывае. Многія пратэстоўцы слухаюць выступы маладых гуртоў.
Каля будынка кіеўскай мэрыі людзі граюць на піяніна і трубе, сьпяваюць ўкраінскія песьні. Актыўнасьці з боку міліцыі не назіраецца.
Як паведаміў тэлеканал «1+1», на Эўрамайдане зьявілася Батлейка, і людзі кажуць, што гатовыя стаяць тут і да Каляд.
На 9-ю гадзіну раніцы пятніцы, 13 сьнежня, склікаецца Грамадзкая рада Эўрамайдану, паведаміла валянтэрка акцыі, вядомая сьпявачка Руслана ў сваім блогу на «Ўкраінскай праўдзе».
