Сёньня ў Тэль-Авіве пахаваны сьпявак і актор Арык Айнштэйн, якога лічаць адным з сымбаляў сучаснай культуры Ізраілю.
У разьвітальнай цырымоніі на плошчы Рабіна ў Тэль Авіве ўзялі ўдзел дзясяткі тысяч чалавек. З разьвітальнай прамовай сярод іншых выступіў прэм’ер-міністар Бэньямін Нэтаньягу.
Арык Айнштэйн памёр у аўторак увечары ад анэўрызмы аорты, яму было 74 гады.
Сьпявак нарадзіўся 3 студзеня 1939 году ў Тэль-Авіве. Ягоны бацька, Якаў Айнштэйн, вырас у Ваўкавыску. Музычная кар’ера Арыка Айнштэйна пачалася ў канцы 1950-х. Ён выпусьціў больш за 30 альбомаў, а таксама мноства міні-альбомаў і зборнікаў. Апрача таго ён зьняўся ў дзясятку кінафільмаў.
Адной з найлепшых песьняў за ўсю гісторыю ізраільскай музыкі лічыцца песьня «Твой лоб аздоблены чорным золатам», якую Арык Айнштэйн выконвае разам з Юдыт Равіц і Корын Альаль.
Арык Айнштэйн памёр у аўторак увечары ад анэўрызмы аорты, яму было 74 гады.
Сьпявак нарадзіўся 3 студзеня 1939 году ў Тэль-Авіве. Ягоны бацька, Якаў Айнштэйн, вырас у Ваўкавыску. Музычная кар’ера Арыка Айнштэйна пачалася ў канцы 1950-х. Ён выпусьціў больш за 30 альбомаў, а таксама мноства міні-альбомаў і зборнікаў. Апрача таго ён зьняўся ў дзясятку кінафільмаў.
Адной з найлепшых песьняў за ўсю гісторыю ізраільскай музыкі лічыцца песьня «Твой лоб аздоблены чорным золатам», якую Арык Айнштэйн выконвае разам з Юдыт Равіц і Корын Альаль.