Кампанія носіць правакацыйную назву «Пайшлі на...»
Аб’яднаная грамадзянская партыя распачынае кампанію супраць увядзеньня пошліны на выезд за мяжу.
«Сутнасьць нашай кампаніі — узьняць грамадзкую думку супраць гэтай ініцыятывы. Лічым, што гэта проста шызафрэнічная ідэя і на яе трэба рэагаваць усімі даступнымі і магчымымі дзеяньнямі. Мабілізаваць грамадзкую думку — гэта галоўная мэта і задача, а мэханізмы і інструмэнты будуць самыя розныя», — паведаміў БелаПАН старшыня АГП Анатоль Лябедзька.
Паводле ягоных слоў, праца ў межах кампаніі пачнецца ўжо з заўтрашняга дня:
«Гэта будзе і заява палітрады АГП, і нейкія флэш-мобы, і заяўкі на правядзеньне пікетаў ва ўсіх рэгіёнах Беларусі, і ўлёткі. Пакуль гэтыя шызафрэнічныя ідэі яшчэ заканадаўча не аформілі, трэба гэта выкарыстоўваць».
З ініцыятывай увесьці пошліну для грамадзян Беларусі , якія выяжджаюць за мяжу на закупы, Аляксандар Лукашэнка выступіў 6 верасьня:
«Нас крытыкуюць — бедная, жабрацкая краіна, а нашы людзі да 3 мільярдаў даляраў у год вывозяць за мяжу ў Эўразьвяз і прывозяць тавары, якія мы таксама выпускаем. Дык вось, я даўно даручыў, аж да таго, што выяжджаеш за межы, усё роўна па што, заплаці выязную пошліну. Гэта будзе так: мы цябе на мяжы абслугоўваем — 100 даляраў з носа плаці і едзь за мяжу. Тады ён прыйдзе ў нашу краму і купіць наш халадзільнік, а ня будзе цягнуць з Эўразьвязу барахло невядома якой вытворчасьці», — сказаў Лукашэнка.
Віцэ-прэм’ер Беларусі Пётар Пракаповіч сёньня заявіў, што пытаньні, якія тычацца ўвядзеньня пошліны для людзей, якія выяжджаюць за мяжу, плянуецца адпрацаваць на працягу месяца-паўтара.
«Сутнасьць нашай кампаніі — узьняць грамадзкую думку супраць гэтай ініцыятывы. Лічым, што гэта проста шызафрэнічная ідэя і на яе трэба рэагаваць усімі даступнымі і магчымымі дзеяньнямі. Мабілізаваць грамадзкую думку — гэта галоўная мэта і задача, а мэханізмы і інструмэнты будуць самыя розныя», — паведаміў БелаПАН старшыня АГП Анатоль Лябедзька.
Паводле ягоных слоў, праца ў межах кампаніі пачнецца ўжо з заўтрашняга дня:
«Гэта будзе і заява палітрады АГП, і нейкія флэш-мобы, і заяўкі на правядзеньне пікетаў ва ўсіх рэгіёнах Беларусі, і ўлёткі. Пакуль гэтыя шызафрэнічныя ідэі яшчэ заканадаўча не аформілі, трэба гэта выкарыстоўваць».
З ініцыятывай увесьці пошліну для грамадзян Беларусі , якія выяжджаюць за мяжу на закупы, Аляксандар Лукашэнка выступіў 6 верасьня:
«Нас крытыкуюць — бедная, жабрацкая краіна, а нашы людзі да 3 мільярдаў даляраў у год вывозяць за мяжу ў Эўразьвяз і прывозяць тавары, якія мы таксама выпускаем. Дык вось, я даўно даручыў, аж да таго, што выяжджаеш за межы, усё роўна па што, заплаці выязную пошліну. Гэта будзе так: мы цябе на мяжы абслугоўваем — 100 даляраў з носа плаці і едзь за мяжу. Тады ён прыйдзе ў нашу краму і купіць наш халадзільнік, а ня будзе цягнуць з Эўразьвязу барахло невядома якой вытворчасьці», — сказаў Лукашэнка.
Віцэ-прэм’ер Беларусі Пётар Пракаповіч сёньня заявіў, што пытаньні, якія тычацца ўвядзеньня пошліны для людзей, якія выяжджаюць за мяжу, плянуецца адпрацаваць на працягу месяца-паўтара.