У мінулым месяцы Інтэрпол адхіліў просьбу з Масквы адсачыць перамяшчэньне амэрыканскага інвэстара Біла Браўдэра, які актыўна патрабуе расьсьледаваньня сьмерці расейскага адваката Сяргея Магніцкага ў турме ў 2009 годзе.
Расейскія ўлады абвінавацілі Браўдэра ва ўхіленьні ад выплаты падаткаў і ў спробе незаконнага набыцьця акцый Газпрому.
Адмову Інтэрполу выдаць гэтак званае «чырвонае апавяшчэньне» (red notice) адносна Браўдэра пракамэнтаваў нашаму радыё Алекс Тынсьлі, прадстаўнік недзяржаўнай арганізацыі Fair Trials International зь Лёндану:
«У выпадку Браўдэра Расея папрасіла выкарыстаць каналы Інтэрполу, каб сачыць за перамяшчэньнем Браўдэра, але Інтэрпол адмовіўся. Гэта было прадстаўлена ў Расеі як абраза краіны, але гэтага трэба было чакаць. Трывожным у гэтым пытаньні зьяўляецца факт, што такі неадкладны адказ ня быў дадзены ў выпадку іншых палітычных апанэнтаў, якіх перасьледавалі па каналах Інтэрполу».
У сувязі з гэтым пытаньнем Тынсьлі прыгадаў затрыманьне былога беларускага кандыдата ў прэзыдэнты Алеся Міхалевіча, арышту якога дамагаліся ад Інтэрполу ўлады ў Менску:
«Праблема злоўжываньня Інтэрполам не абмяжоўваецца Расеяй. Добра вядома, што беларускія ўлады, напрыклад, імкнуліся выкарыстаць каналы Інтэрполу для перасьледу сваіх палітычных апанэнтаў. Яны хацелі арыштаваць аднаго з кандыдатаў на выбарах 2010 году, які выступаў супраць Лукашэнкі, Алеся Міхалевіча. Інтэрпол, па сутнасьці, адмовіўся выдаць чырвонае апавяшчэньне адносна Міхалевіча, але ў той жа час Беларусі удалося выкарыстаць сеткі Інтэрполу, каб перадаць інфармацыю іншым краінам, і спадар Міхалевіч, які быў прызнаны палітычным уцекачом у Чэхіі, быў затрыманы ў Польшчы».
Ці магчыма неяк пакараць краіну, якая злоўжывае сеткай Інтэрполу, выкарыстоўваючы яе для перасьледу палітычных апанэнтаў? Тынсьлі адказаў нашаму радыё наступным чынам:
«Правілы Інтэрполу прадбачваюць пэўныя санкцыі. Пакуль ня ясна, як яны ўжываюцца і як часта яны былі ўжытыя. Некаторыя заклікаюць, каб тыя краіны, якія неаднаразова злоўжывалі каналамі Інтэрполу, былі выключаныя з гэтай арганізацыі. Але мы лічым, што адказнасьць за гэта нясе Інтэрпол, які павінен сам імкнуцца спыніць такія злоўжываньні».
Адмову Інтэрполу выдаць гэтак званае «чырвонае апавяшчэньне» (red notice) адносна Браўдэра пракамэнтаваў нашаму радыё Алекс Тынсьлі, прадстаўнік недзяржаўнай арганізацыі Fair Trials International зь Лёндану:
У сувязі з гэтым пытаньнем Тынсьлі прыгадаў затрыманьне былога беларускага кандыдата ў прэзыдэнты Алеся Міхалевіча, арышту якога дамагаліся ад Інтэрполу ўлады ў Менску:
«Праблема злоўжываньня Інтэрполам не абмяжоўваецца Расеяй. Добра вядома, што беларускія ўлады, напрыклад, імкнуліся выкарыстаць каналы Інтэрполу для перасьледу сваіх палітычных апанэнтаў. Яны хацелі арыштаваць аднаго з кандыдатаў на выбарах 2010 году, які выступаў супраць Лукашэнкі, Алеся Міхалевіча. Інтэрпол, па сутнасьці, адмовіўся выдаць чырвонае апавяшчэньне адносна Міхалевіча, але ў той жа час Беларусі удалося выкарыстаць сеткі Інтэрполу, каб перадаць інфармацыю іншым краінам, і спадар Міхалевіч, які быў прызнаны палітычным уцекачом у Чэхіі, быў затрыманы ў Польшчы».
Ці магчыма неяк пакараць краіну, якая злоўжывае сеткай Інтэрполу, выкарыстоўваючы яе для перасьледу палітычных апанэнтаў? Тынсьлі адказаў нашаму радыё наступным чынам:
«Правілы Інтэрполу прадбачваюць пэўныя санкцыі. Пакуль ня ясна, як яны ўжываюцца і як часта яны былі ўжытыя. Некаторыя заклікаюць, каб тыя краіны, якія неаднаразова злоўжывалі каналамі Інтэрполу, былі выключаныя з гэтай арганізацыі. Але мы лічым, што адказнасьць за гэта нясе Інтэрпол, які павінен сам імкнуцца спыніць такія злоўжываньні».