Падзеі і даты сёньняшняга дня ў Беларусі, сьвеце, гісторыі.
ПАДЗЕІ ДНЯ
Астана, завяршэньне візыту кіраўніка Беларусі Лукашэнкі ў Казахстан.
Менск, прамая тэлефонная лінія зь міністрам абароны Беларусі Юрыем Жадобіным. Задаць пытаньне міністру можна будзе з 10.00 да 11.00 па тэл. (17) 297-29-20.
Менск, канфэрэнц-заля «Кінг-2» гатэлю Crowne Plaza, Дыскусія «Спрашчэньне візавага рэжыму паміж Беларусьсю і ЭЗ: як разарваць замкнёнае кола?» Мерапрыемства арганізаванае Беларускім інстытутам стратэгічных дасьледаваньняў (BISS) у супрацоўніцтве з грамадзянскай кампаніяй «Бязь візы». Пачатак у 15.00.
Менск, Нацыянальны прэсавы цэнтар, прэсавая канфэрэнцыя, прысьвечаная правядзеньню Дзён Сэрбіі ў Беларусі.Пачатак у 12.30.
Міжнародны дзень міратворцаў ААН
ДЗЕНЬ У ГІСТОРЫІ
1453 ― адбылося падзеньне Канстантынопалю, горад быў захоплены войскамі Атаманскай імпэрыі, што засьведчыла канчатковы развал Усходняй Рымскай імпэрыі
1953 — першае узыходжаньне на самую высокую гору ў сьвеце — Эверэст — шэрпа Тэрсінга Наргея і новазэляндца Эдмунда Гілары.
1975 — на Беларускім аўтазаводзе пачата вытворчасьць найбуйнейшага ў СССР грузавіка — «БелАЗ-7520».
1992 ― у Беларусі паралельна з савецкім рублём уведзеныя ў абарот разьліковыя білеты Нацыянальнага банку Беларусі.
2005 — на рэфэрэндуме ў Францыі большасьць прагаласавала супраць Эўрапейскай канстытуцыі.
У гэты дзень нарадзіліся:
1874 ― Гілбэрт Кіт Чэстэртан, брытанскі пісьменьнік, журналіст і літаратуразнаўца
1880 ― Освальд Шпэнглер, нямецкі філёзаф, гісторык і культуроляг
1917 ― Джон Фіцджэралд Кенэдзі, 35-ы прэзыдэнт ЗША
1933 ― Мікола Гайдук, беларускі пісьменьнік
1973 — Юрась Бушлякоў, беларускі мовазнаўца, супрацоўнік беларускай рэдакцыі Радыё Свабода
1977 ― Сьвятлана Зелянкоўская, беларуская акторка
У гэты дзень памерлі:
1565 ― Мікалай Радзівіл «Чорны», дзяржаўны дзеяч Вялікага княства Літоўскага
1861 ― Яўхім Лялевель, польскі гісторык, нумізмат, гэральдык, палітычны дзеяч, прафэсар Віленскага і Варшаўскага ўнівэрсытэтаў
1868 ― Аляксандар Здановіч, беларускі і польскі гісторык, мовазнаўца, пэдагог
1920 ― Фабіян Шантыр, беларускі грамадзка-дзяржаўны дзеяч, публіцыст, пісьменьнік, перакладчык (расстраляны)
1970 ― Абрамчык, дзеяч эміграцыі ў Нямеччыне і Францыі, прэзыдэнт Беларускай Народнай Рэспублікі (1947–1970)
1986 ― Алена Аладава, заслужаная дзяячка мастацтваў БССР, мастацтвазнаўца, дырэктарка Дзяржаўнага мастацкага музэю БССР
ЦЫТАТА ДНЯ
Тыя, хто робіць мірную рэвалюцыю немагчымай, робяць гвалтоўную рэвалюцыю непазьбежнай.
Джон Кэнэдзі, прэзыдэнт ЗША