Прэзыдэнты Расеі і ЗША Ўладзімір Пуцін і Барак Абама сустрэнуцца ў кулюарах саміту «вялікай васьмёркі» у Паўночнай Ірляндыі ў чэрвені, а таксама правядуць перамовы ў часе саміту «вялікай дваццаткі» у Пецярбургу ў верасьні.
Пра гэта заявіў журналістам памочнік прэзыдэнта Расеі Юрый Ушакоў. Тэма маючых адбыцца перамоў прэзыдэнтаў Расеі і ЗША абмяркоўвалася на сёньняшняй сустрэчы Пуціна і памочніка прэзыдэнта ЗША па нацыянальнай бясьпецы Томаса Данілона.
Паведамляецца, што Данілон перадаў Пуціну пасланьне ад Абамы, якое расейскія ўлады ахарактарызавалі як «канструктыўнае». Пра зьмест пасланьня не паведамляецца.
Паведамляецца, што Данілон перадаў Пуціну пасланьне ад Абамы, якое расейскія ўлады ахарактарызавалі як «канструктыўнае». Пра зьмест пасланьня не паведамляецца.