Берасьцейскія дэмакраты ўшанавалі тутэйшага дзеяча БНР Адама Трыпуса, пахаванага на Трышынскіх могілках у абласным цэнтры.
Да яго магілы ўсклалі кветкі. Выступілі з прамовамі краязнаўцы і палітыкі. Ушанавалі і ахвяраў палітычных рэпрэсіяў, помнік якім таксама стаіць на Трышынскіх могілках.
Пасьля акцыі моладзь з агенцтва рэгіянальнага разьвіцьця «Дзедзіч» і партыі БНФ зладзілі гульню гарадзкога арыентаваньня «БНР і Берасьце». Яе ўдзельнікі шукалі пэўныя пункты, дзе трэба было адказаць на пытаньні з гісторыі БНР, а па заканчэньні яна атрымалі падарункі. Такая гульня ладзілася ў Берасьці ўжо другі раз.
У мерапрыемствах, прысьвечаных 95-м угодкам абвяшчэньня БНР у Берасьці, узялі ўдзел некалькі дзясяткаў чалавек.
Пасьля акцыі моладзь з агенцтва рэгіянальнага разьвіцьця «Дзедзіч» і партыі БНФ зладзілі гульню гарадзкога арыентаваньня «БНР і Берасьце». Яе ўдзельнікі шукалі пэўныя пункты, дзе трэба было адказаць на пытаньні з гісторыі БНР, а па заканчэньні яна атрымалі падарункі. Такая гульня ладзілася ў Берасьці ўжо другі раз.
У мерапрыемствах, прысьвечаных 95-м угодкам абвяшчэньня БНР у Берасьці, узялі ўдзел некалькі дзясяткаў чалавек.
Ля помніка Адаму Трыпусу
Акцыя сабрала сябраў розных палітычных партый і рухаў