У ВІЦЕБСКУ ЗАБАРАНЯЮЦЬ СЬПЯВАЦЬ РОК

Браніслава Станкевіч, Віцебск

Паводле неафіцыйнай інфармацыі, дырэктару клюба затэлефанаваў невядомы прадстаўнік уладаў ды загадаў забараніць канцэрт, пагражаючы інакш звольніць.

Клюб "Сава" набывае ў Віцебску нядобрую славу: якраз учора міліцыянты затрымалі там двух непаўнагадовых хлопцаў, якія мелі пры сабе пакеты з надпісам "Новы прэзыдэнт", якія яны атрымалі падчас сустрэчы з Уладзімерам Ганчарыкам.