КАБУЛ. Амэрыканскія вайскоўцы распачалі ўжо другое расьсьледаваньне ў сувязі са зьдзекамі са зьняволеных у Аўганістане. Пра гэта паведаміў падпалкоўнік Такэр Мэнсэджэр. На мінулым тыдні былы аўганскі паліцыянт заявіў, што яго сэксуальна абразілі ў турме ў 2003 годзе. Праваабарончая арганізацыя Human Rights Watch сьцьвярджае, што зьдзекі з аўганскіх зьняволеных ёсьць сыстэмай, а не асобнымі выпадкамі.
