Дыпляматы з шасьці краінаў сёньня завяршылі перамовы на тэму спыненьня ядзерных праграмаў КНДР. У іх прымалі ўдзел дэлегацыі Кітаю, ЗША, Расеі, Японіі, Паўдзённай і Паўночнай Карэі.
Паўдзённакарэйская дэлегацыя паведаміла, што двухбаковыя кансультацыі яшчэ будуць працягвацца.
У МЗС Кітаю спадзяюцца, што КНДР спыніць свае праграмы ядзернага ўзбраеньня ў абмен на энэргетычную дапамогу з Масквы, Пэкіна і Сэула. Але ЗША і Японія адмовіліся ад далучэньня да гэтага пляну да поўнага і кантраляванага спыненьня праграмаў КНДР па стварэньні ядзернай зброі.
У цэлым удзельнікі перамоваў назвалі іх істотныя і пазытыўныя, аднак некаторыя зазначаюць пра іх тупіковы вынік.
Прэсавы сакратар кітайскага МЗС Лю Янчао паведаміў, што на перамовах дасягнуты прагрэс, але рознагалосьсі застаюцца.
Афіцыйна кансультацыі павінны быць закрытыя заўтра.
