МАДРЫД. Генеральны сакратар Арганізацыі Аб’еднаных нацыяў Кофі Анан заклікаў міжнародную супольнасьць выдаткаваць як мага больш грошай на паваеннае аднаўленьне Іраку.
Прамаўляючы сёньня ў Мандрыдзе ў часе канфэрэнцыі, прысьвечанай дапамозе Іраку, Кофі Анан сказаў:
(Анан) “Мы ўсе спадзяемся на як мага больш хуткае стварэньне ўраду незалежнага Іраку. Але пачатак паваеннага аднаўленьня каріны нельга адтэрміноўваць, чакаючы гэтага часу. Адбудову Іраку трэба пачынаць неадкалдна.
Сказаў Кофі Анан.
У канфэрэнцыі бяруць удзел прадстаўнікі больш чым 60 краінаў і трохсот прыватных кампаніяў.
Паводле прыблізных падлікаў, цягам бліжэйшых чатырох гадоў на аднаўленьне Іраку спатрэбіцца прынамсі 56 мільярдаў даляраў. Найвялікшы ўнёсак у гэтую справу – 20 мільярдаў - робяць Злучаныя Штаты.
