БАГДАД. Кіруючая рада Іраку ня згодная з дысьлякацыяй турэцкага кантынгенту на ірацкай тэрыторыі. Кіраўнік Рады Іяд Алаўі заявіў, што пытаньне павінна быць абмеркаванае ў Багдадзе з кіраўніком амэрыкана-брытанскай адміністрацыі Полам Брэмэрам.
Прадстаўнік дзярждэпартамэнту ЗША Рычард Баўчэр выказаў спадзяваньне, што супярэчнасьці будуць урэгуляваныя:
Мы вітаем рашэньне Турэччыны накіраваць вайсковы кантынгент у Ірак. Злучаныя Штаты мяркуюць, што турэцкія войскі зробяць значны ўнёсак ва ўсталяваньне стабільнасьці ў Іраку. Мы вядзем кансультацыі з Анкарой адносна дэталяў прысутнасьці ў краіне турэцкіх войскаў.
Заявіў прадстаўнік дзярждэпартамэнту ЗША Рычард Баўчэр.
