МЕНСК. Беларусь далучылася да міжнароднай канвэнцыі аб забароне супрацьпяхотных мінаў. Учора Аляксандр Лукашэнка падпісаў адпаведны ўказ. Атаўская канвэнцыя 1997 году забараняе вытворчасьць, выкарыстаньне, а таксама захоўваньне і перавозку супрацьпяхотных мінаў. Паводле беларускага міністэрства абароны, ў Беларусі цяпер каля чатырох з паловай мільёнаў супрацьпяхотных мінаў. Гэта сёмы па вялічыні арсэнал у сьвеце. Як заявіў прадстаўнік міністэрства абароны Сяргей Лучына, Беларусь ня мае грошай, каб зьнішчыць гэтыя запасы.
