ТЭГЕРАН. Іранскі апэляцыйны суд прысудзіў да 4 гадоў зьняволеньня прафэсара, чый сьмяротны вырак выклікаў пратэсты па ўсім Іране. Хашэма Агаджары асудзілі на сьмерць летась. Яго вінавацілі ў зьнявазе ісьляму і нападах на іранскае рэлігійнае кіраўніцтва.
Пасьля шматлікіх пратэстаў Вярхоўны Суд Ірану скасаваў вырак і вярнуў справу на новы разгляд.
Тым часам ўчора былі арыштаваныя яшчэ трое іранскіх журналістаў.
